မီးအာမခံ

မီးအာမခံ အကြောင်း သိကောင်းစရာ

မီးအာမခံပေါ်လစီသည် အာမခံထားသည့်ပစ္စည်း မီးလောင်ဆုံးရှုံးခြင်း မိုးကြိုးပစ်၍လောင်ကျွမ်းခြင်းကြောင့် ပျက်စီးဆုံးရှုံးမှုအတွက် ငွေကြေးအကာအကွယ်ပေးနိုင်ပါသည်။ အာမခံထားသည့်ပစ္စည်းမီးသတ်ရာတွင် အသုံးပြုသည့်မီးသတ်ဆေးနှင့်ရေကြောင့် ပျက်စီးဆုံးရှုံးစေခြင်းကြောင့်လည်းကောင်း၊ မီးလောင်နေသည့် အဆောက်အဦးအတွင်းပစ္စည်းများကို ပြောင်းရာတွင် ပျက်စီးစေခြင်းကိုလည်းကောင်း၊ မီးငြိမ်းသတ်ရာမှ ပစ္စည်းများဆုံးရှုံးခြင်းကိုလည်းကောင်း ပေးလျော်ရန်တာဝန်ယူပါသည်။

အာမခံထားနိုင်ခွင့်ရှိသူများ

  • ပိုင်ရှင်
  • ပူးတွဲပိုင်ရှင်၊ဇနီး(သို့မဟုတ်) ခင်ပွန်း
  • ပစ္စည်းအပ်နှံထားခြင်းကိုလက်ခံသူများ
  • ဂေါပကအဖွဲ့
  • ငွေထုတ်ချေးသည့်ဘဏ်များ

အာမခံထားနိုင်သည့်ပစ္စည်း

  • အဆောက်အဦး
  • ကုန်ပစ္စည်းများ
  • စက်ပစ္စည်းများ
  • ကုန်သွယ်မှုပစ္စည်းများ
  • အိမ်သုံးပစ္စည်း၊ လူသုံးပစ္စည်းများကို နှစ်ဦးသဘောတူသည့်တန်ဖိုး (သို့) ဈေးကွက်ပေါက်ဈေးအတိုင်း အာမခံထားငွေကို သတ်မှတ်ပြီး အာမခံထားနိုင်ပါသည်။

အာမခံသက်တမ်း

(၁၀)ရက်မှ (၁)နှစ်အထိ ထားနိုင်ပါသည်။ ပေါ်လစီကို နှစ်စဉ်သက်တမ်းဆက်နိုင်ပါသည်။

အကျိုးခံစားခွင့်များ

  • (၁) အာမခံထားသည့်ပစ္စည်း လုံးဝဆုံးရှုံးမှုဖြစ်လျှင် အာမခံထားငွေအထိ လျော်ကြေးရခွင့်ရှိပါသည်။
  • (၂) အာမခံထားသည့်ပစ္စည်း တစ်စိတ်တစ်ဒေသဆုံးရှုံးမှုဖြစ်လျှင် အမှန်တကယ်ဆုံးရှုံးသည့် ပမာဏ အထိ လျော်ကြေးရခွင့်ရှိပါသည်။

ပရီမီယံနှုန်း

ပရီမီယံနှုန်းထားများမှာ အနည်းဆုံး ဝ.၁၃% မှ အမြင့်ဆုံး ၃.၅% အထိရှိနိုင်ပါသည်။ အာမခံပရီမီယံနှုန်းကို
  • အဆောက်အဦးအတန်းအစား
  • အဆောက်အဦးအသုံးပြုပုံ
  • ပတ်ဝန်းကျင်အဆောက်အဦးအခြေအနေ
  • အာမခံထားငွေတို့အပေါ်တွင်အခြေခံ၍ တွက်ပါသည်။

ဝယ်ယူနိုင်သည့် အပိုအကာအကွယ်များ

အောက်တွင်ဖော်ပြထားသည့် အပိုအကာအကွယ်များကိုလည်း အပိုပရီမီယံပေး၍ တိုးချဲ့ဝယ်ယူနိုင်ပါသည်။
စဉ် အပိုအကာအကွယ်များ သတ်မှတ်ပရီမီယံနှုန်း
အဓိကရုဏ်း၊ သပိတ်မှောက်ခြင်း၊ မသမာဖျက်ဆီးခြင်း
  • ဝ.၀၆%
လေယာဉ်ကြောင့်ထိခိုက်ပျက်စီးခြင်း
  • ဝ.၁၀%
ကုန်းလမ်းသွားယာဉ်များကြောင့် ထိခိုက်ပျက်စီးခြင်း
  • ဝ.၁၀%
မြေကျွံခြင်း၊ မြေပြိုခြင်း
  • ဝ.၁၀%
မြေငလျင်ကြောင့် မီးလောင်ခြင်း၊ မြေပြိုခြင်း၊ ပြိုအက်ပျက်စီးခြင်း
  • ဝ.၁၀%
ပေါက်ကွဲပျက်စီးခြင်း
  • ဝ.၁၀%
အလိုအလျှေက် မီးစွဲလောင်ခြင်း
  • ဝ.၀၈%
လေပြင်းမုန်တိုင်းအမျိုးမျိုး
  • (က) အဆောက်အဦး၊ ပရိဘောဂ၊ စက်ပစ္စည်း၊ ကုန်ပစ္စည်း
  • (ခ) ရေကြောင့်ပျက်စီးလွယ်သည့် ကုန်ပစ္စည်းများ

  • ဝ.၂၀%
  • ဝ.၂၅%
ရေကြီးခြင်း၊ ရေလျှံခြင်း
  • ဝ.၁၀%
၁၀ ဖောက်ထွင်းခိုးယူခြင်း
  • • ပထမတန်းစားအဆောက်အဦး
  • • ဒုတိယတန်းစားအဆောက်အဦး
  • • တတိယတန်းစားအဆောက်အဦး
  • • စတုတ္ထတန်းစားအဆောက်အဦး (မီးအာမခံပေါ်လစီနှင့် တွဲဖက်၍ယူလျှင် ဖောက်ထွင်းအာမခံကျသင့်ပရီမီယံပေါ်မှ ၁၀% လျော့ပေါ့ကောက်ခံပါသည်။)

  • ဝ.၂၅%
  • ၀.၅၀%
  • ဝ.၇၅%
  • ၁.၀၀%
၁၁ စစ်ဘေးအာမခံ
  • ဝ.၁၀%

လျော်ကြေးမဲ့ဆု

လျော်ကြေးမဲ့ဆုဆိုသည်မှာ အာမခံထားသည့်နှစ်အတွင်း လျော်ကြေးတောင်းခံမှု မရှိသည့်အတွက် သွင်းရမည့် ပရီမီယံပေါ်တွင် လျော့ပေးသည့် ဆုကြေးတစ်မျိုးဖြစ်သည်။

  • ဒုတိယနှစ် - ၂၅%
  • တတိယနှစ် - ၂၅%
  • စတုတ္ထနှစ်မှစ၍ ပုံသေသတ်မှတ်ထားသည့် ဆုကြေးရာခိုင်နှုန်းကို ပေါ်လစီသက်တမ်းတစ်လျှောက် ပုံသေရခွင့်ရှိပါသည်။

ဘယ်လိုဆက်သွယ်ပြီး အာမခံထားမလဲ

  • GBS ရုံးချုပ်/ရုံးခွဲများသို့လည်းကောင်း ဤကုမ္ပဏီနှင့် ဆက်သွယ်ဆောင်ရွက်လျက်ရှိသည့် အာမခံကိုယ်စားလှယ်များသို့လည်းကောင်း စုံစမ်းမေးမြန်း၍ လိုအပ်သည့် အာမခံအမျိုးအစားများကို ဝယ်ယူနိုင်ပါသည်။
  • ဤကုမ္ပဏီ၏ဝန်ထမ်းများ/အာမခံကိုယ်စားလှယ်များက လိုအပ်သည်များကို ကူညီဆောင်ရွက်ပေးပါမည်။

လျှော်ကြေး ဘယ်လိုတောင်းမလဲ

ဆုံးရှုံးမှုဖြစ်ပေါ်လျှင် (အာမခံထားသူမှ/တာဝန်ရှိသူမှ)
  • GBS ရုံးချုပ်၊ ရုံးခွဲ၊ သက်ဆိုင်ရာကိုယ်စားလှယ်များနှင့် ဆက်သွယ်ပါရန်။
  • ကုမ္ပဏီ၏ဝန်ထမ်းများ/ ကိုယ်စားလှယ်များက ဘယ်လိုလျော်ကြေးတောင်းရမည်ကို ကူညီညွှန်ပြပါမည်။
  • ကုမ္ပဏီ၏ဝန်ထမ်းများ/ ကိုယ်စားလှယ်များက လျှော်ကြေးတောင်းခံမှု အခြေအနေကို အမြဲတစေအကြောင်းကြားပါမည်။

လျော်ကြေးတောင်းခံရာတွင် အကျုံးမဝင်သော အချက်များ

  • မီးလောင်နေစဉ်အတွင်းပစ္စည်းများကို ခိုးယူခံရခြင်း။
  • အကြမ်းဖက်သူများမှ ဖျက်စီးခြင်းကြောင့် ပျက်စီးခြင်း။
  • နျူကလီးယားနှင့်ပတ်သတ်သည့် ပျက်စီးဆုံးရှုံးခြင်း
  • ရေဒီယိုသတ္တိကြွခြင်းကြောင့် ပျက်စီးဆုံးရှုံးခြင်း (Lionizing/Radiations)

အထူးသတိပြုရန်

အောက်ဖော်ပြပါ အပြောင်းအလဲများဖြစ်လျှင် ဤကုမ္ပဏီသို့ အကြောင်းကြားပေးရန် လိုအပ်ပါသည်။
  • အာမခံထားသည့်ပစ္စည်းကို နေရာမှ ရွှေ့ပြောင်းခြင်း။
  • အာမခံထားသည့်ပစ္စည်းပိုင်ရှင် အပြောင်းအလဲဖြစ်ခြင်း။
  • အာမခံထားသည့်ပစ္စည်းတန်ဖိုး ပြောင်းလဲမှုရှိခြင်း။
  • အာမခံထားသည့်ပစ္စည်းပြောင်းလဲခြင်း။