Careers

ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက် (လိုင်စင်အမှတ် ၀၂၄၀/၂၀၁၆) သည် မြန်မာနိုင်ငံရှိ လယ်ယာစိုက်ပျိုးရေးလူမှုအဖွဲ့အစည်းအတွင်းရှိ အခြေခံငွေကြေးလိုအပ်ချက်ကို ကူညီထောက်ပံ့ပေးနိုင်ရန် ရည်ရွယ်ချက်ဖြင့် ၂၀၁၆ ခုနှစ် တွင်တည်ထောင်ခဲ့ခြင်း ဖြစ်ပါသည်။

ငွေရေးကြေးရေး ကြီးကြပ်စစ်ဆေးရေးဦးစီးဌာန မှ အသိအမှတ်ပြုထားသော ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက်သည် ဧရာဝတီတိုင်းတွင် အစပြုခဲ့သော ရုံးချုပ်အပါအဝင် ရုံးခွဲ (၁၀) ခုဖြင့် မြန်မာနိုင်ငံနေရာအနှံ့အပြားတွင် ဝန်ဆောင်မှုပေးလျက်ရှိပါသည်။ ကုမ္ပဏီမှ အဓိကအားဖြင့် တောင်သူဦးကြီးများအတွက် စိုက်ပျိုးစရိတ်ချေးငွေများကို လိုက်လျောညီထွေရှိသော အကြွေးဆပ်စနစ်၊ သေးငယ်သောအတိုးနှုန်းများနှင့် လျှင်မြန်စွာ ထုတ်ချေးလျက်ရှိပါသည်။

GGI အာမခံလုပ်ငန်း၏ အေးဂျင့်လည်း ဖြစ်သည့် ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက်သည် တောင်သူများနှင့် ၎င်းတို့၏ မိသားစုဝင်များရဲ့ ဘဝလုံခြုံမှုအတွက် အသက်အာမခံများကိုလည်း ဝန်ဆောင်မှုပေးလျက်ရှိပါသည်။ တောင်သူများ၏ စိုက်ပျိုးရေးဆိုင်ရာ လိုအပ်ချက်များကို အပြည့်ဝဆုံးဖြည့်ဆည်းပေးနိုင်ရန်အတွက် မိသားစုဝင်ကုမ္ပဏီခွဲများဖြစ်သည့် ဂွတ်(ဒ်)ဘရားသား(စ်) ဓါတ်မြေဩဇာ ကုမ္ပဏီလီမိတက်၊ ဂျီဘီအက်(စ်) လယ်ယာဝန်ဆောင်မှုလုပ်ငန်း အများနှင့် သက်ဆိုင်သော ကုမ္ပဏီလီမိတက် နှင့် စုပေါင်းလယ်ယာ ထွက်ကုန်ပစ္စည်းထုတ်လုပ်ရေးနှင့် ရောင်းဝယ်ရေး ကုမ္ပဏီလီမိတက် တို့နှင့်ချိတ်ဆက်၍ ဓါတ်မြေဩဇာ သွင်းအားစုများပံ့ပိုးခြင်း၊ ရိတ်သိမ်းဝန်ဆောင်မှုများ၊ စိုက်ပျိုးသီးနှံများကို ဝယ်ယူခြင်းစသည့် ဝန်ဆောင်မှုများကို ပေးနေပါသည်။

အလုံးစုံသော စိုက်ပျိုးရေးဆိုင်ရာ ဖြေရှင်းဝန်ဆောင်မှုပေးသူ ဆိုသော ဂွတ်(ဒ်)ဘရားသား(စ်) ကုမ္ပဏီများလုပ်ငန်းစု၏ ရည်မှန်းချက်ပန်းတိုင်နှင့် တစ်သားတည်းကျစွာ ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက်မှလည်း အဖွဲ့အစည်းကြီး၏ ဂေဟစနစ်အတွင်းမှ ကျရာတာဝန်ကို ထက်သန်စွာ ထမ်းဆောင်လျက်ရှိပါသည်။ ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက်၏ ရည်မှန်းချက်သည် ကျေးလက်ဒေသမှ တောင်သူများ လုပ်ငန်းပုံမှန် လည်ပတ်နိုင်ရန် လိုက်လျောညီထွေရှိသော ချေးငွေ၊ အာမခံဝန်ဆောင်မှုများနှင့် စိုက်ပျိုးသီးနှံများ အောင်မြင်ဖြစ်ထွန်းစေရန် နည်းပညာကိရိယာများဖြင့် ဖြည့်ဆည်းအထောက်အကူပြုသွားရန် ဖြစ်ပါသည်။

ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက်သည် စတင်တည်ထောင်ချိန်မှ ယနေ့အချိန်အထိ ငွေချေးသူ ဦးရေ ၃၄၀၀၀ ခန့်ကို ဝန်ဆောင်မှုပေးခဲ့ပြီး မြန်မာကျပ်ငွေ သန်း (၃၄၀၀၀) (အမေရိကန်ဒေါ်လာ ၂၀.၇ သန်း) ခန့်ကို ထုတ်ချေးခဲ့ပြီးဖြစ်ပါသည်။

သင့်ရဲ့ စိုက်ပျိုးရေးအိပ်မက်ကို အကောင်အထည်ဖော်ဖို့အကူအညီလိုနေပါသလား။  ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက် ကနေ သင့်အိပ်မက်ကို လက်တွေ့အကောင်အထည်ဖော်နိုင်ရန် စိုက်ပျိုးရေးချေးငွေများဖြင့် ကူညီပံ့ပိုးပေးလျက်ရှိပါသည်။

ချေးငွေလျှောက်ထားလိုလျှင်

✔ အသက် (၁၈) နှစ်မှ (၆၀) နှစ် ကြားရှိရပါမည်။

✔ မြန်မာနိုင်ငံအတွင်း သင့်၏အမြဲတမ်းနေရပ်လိပ်စာ ရှိရပါမည်။

✔ ပုံမှန် ဝင်ငွေ/ငွေကြေးထောက်ပံ့မှုရှိသောသူဖြစ်ရမည်။

✔ ကိုယ်ပိုင်စီးပွားရှိသူ ဖြစ်ရပါမည်။

✔ ဒေဝါလီ မခံဖူးသူ ဖြစ်ရပါမည်။

✔ ကျန်းမာရေးကောင်းမွန်သူ ဖြစ်ရပါမည်။

လုပ်ထုံးလုပ်နည်းနှင့် စည်းကမ်းချက်များ

၁။ ချေးငွေလျှောက်ထားရာတွင် အောက်ပါအချက်များ ပါရှိရပါမည်။

✔ ချေးငွေလျှောက်ထားခြင်း လျှောက်လွှာ

✔ ပတ်(စ်)ပို့(တ်) ဆိုဒ်ဓာတ်ပုံ (၂) ပုံ

✔ မှတ်ပုံတင်

✔ အိမ်ထောင်စုဇယား

✔ ပုံစံ ၇ (စိုက်ပျိုးရေးလုပ်ရန်ခွင့်ပြုချက်)

၂။ လျှောက်လွှာများကို ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက် ၏ ရုံးများ(အောက်တွင်ဖော်ပြထားသောနေရာများ) တွင်ထုတ်ယူနိုင်ပြီး ဖြည့်စွက်၍ ပေးပို့လျှောက်ထားနိုင်ပါသည်။

၃။ လျှောက်လွှာများကို စိစစ်ပြီးနောက်တွင် သင့်အိမ် သို့မဟုတ် လုပ်ငန်းတည်နေရာအား မှန်ကန်ကြောင်း အတည်ပြုရန်အတွက် တာဝန်ရှိသူမှ ဆက်သွယ်လာပါမည်။

၄။ ရွေးချယ်ခံရသော လျှောက်ထားသူများကိုမေး(လ်) ဖြင့်အကြောင်းကြားသွားမည် ဖြစ်ပါသည်။

၅။ ခွင့်ပြုလိုက်သောချေးငွေများကို အောက်တွင်ဖော်ပြထားသော ကျွန်ုပ်တို့၏ ရုံးများတွင် လူကိုယ်တိုင် ထုတ်ယူရပါမည်။  သင့်မှတ်ပုံတင်အား တစ်ပါတည်း ယူဆောင်လာရမည် ဖြစ်ပါသည်။

၆။ ချေးငွေလာရောက်ထုတ်ယူစဉ် ဝန်ထမ်းများမှ ထုတ်ပေးမည့်ပမာဏနှင့် ပြန်ဆပ်ရမည့် ပုံစံကို ရှင်းပြသွားမည် ဖြစ်ပါသည်။

၇။ ဂွတ်(ဒ်)ဘရားသား(စ်) အသေးစားငွေရေးကြေးရေး ကုမ္ပဏီလီမိတက် မှရရှိသော ချေးငွေများကို လျှောက်လွှာတွင်ပါရှိသည့် အကြောင်းအရာအတိုင်း စိုက်ပျိုးရေးနဲ့ ပတ်သက်သော စီးပွားရေးလုပ်ငန်းများတွင်သာ အသုံးပြုရမည်ဖြစ်ပြီး  အခြားနေရာများတွင် အသုံးပြုခဲ့ပါက ပြစ်ဒဏ်ချမှတ်ခံရမည် ဖြစ်ပါသည်။

၈။ ချေးငွေများကို ထုတ်ယူသည့်ရက်မှ (၆) လအတွင်း သို့မဟုတ် ရိတ်သိမ်းရာသီ ပြီးဆုံးလျှင် ပြန်ဆပ်ရမည် ဖြစ်ပါသည်။ *ချေးငွေပြန်ဆပ်ခြင်းကို ငွေသားသို့မဟုတ် Wave Money တို့ဖြင့်ဆပ်နိုင်ပါသည်။

၉။ ချေးငွေကိုသတ်မှတ်ချိန်အတွင်း ပြန်ဆပ်ရန်ပျက်ကွက်ပါက နောက်ကျကြေးအဖြစ် တစ်ရက်လျှင် ၀.၀၃% ပေးဆောင်ရမည် ဖြစ်ပါသည်။

ကျွန်ုပ်တို့၏ရုံးတည်နေရာများ

၁။         ကျောင်းကုန်းရုံးခွဲ၊ ကျောင်းကုန်းမြို့နယ်၊ ဧရာဝတီတိုင်း

၂။         ညောင်တုန်းရုံးခွဲ၊ ညောင်တုန်းမြို့နယ်၊  ဧရာ၀တီတိုင်း

၃။         ဟင်္သာတရုံးခွဲ၊ ဟင်္သာတမြို့နယ်၊ ဧရာ၀တီတိုင်း

၄။         မကွေးရုံးခွဲ၊ မကွေးမြိုနယ်၊ မကွေးတိုင်း

၅။         ပခုက္ကူရုံးခွဲ၊ ပခုက္ကူမြို့နယ်၊ မကွေးတိုင်း

၆။         အောင်လံရုံးခွဲ၊ အောင်လံမြို့နယ်၊ မကွေးတိုင်း

၇။         စလင်းရုံးခွဲ၊ စလင်းမြို့နယ်၊ မကွေးတိုင်း

၈။         ရွှေဘိုရုံးခွဲ၊ ရွှေဘိုမြို့နယ်၊ စစ်ကိုင်းတိုင်း

၉။         မန္တလေးရုံးခွဲ၊ မန္တလေးမြို့နယ်၊ မန္တလေးတိုင်း

၁၀။        ပျဉ်းမနားရုံးခွဲ၊နေပြည်တော်ကောင်စီနယ်မြေ၊ ပျဉ်းမနားမြို့နယ်

မြန်မာနိုင်ငံ၏ စိုက်ပျိုးရေးနှင့် ကိုက်ညီသော ဓါတ်မြေဩဇာ ထုတ်ကုန်များ ထုတ်လုပ်ရန်ရည်ရွယ်ချက်ဖြင့် ဂွတ်(ဒ်)ဘရားသား(စ်) ဓါတ်မြေဩဇာ ကုမ္ပဏီလီမိတက် ကို ၂၀၁၆ ခုနှစ်တွင် တည်ထောင်ခဲ့ပါသည်။

ဂွတ်(ဒ်)ဘရားသား(စ်) ဓါတ်မြေဩဇာ ကုမ္ပဏီလီမိတက် နှင့် ရွန်ထျန်းဟွာ ကုမ္ပဏီလီမိတက်တို့ ပူးပေါင်းတည်ထောင်ထားသော Shwe Crop Nutrients ကုမ္ပဏီလီမိတက် ၏ လူကြိုက်များသော ထုတ်ကုန်များအပြင် ဂွတ်(ဒ်)ဘရားသား(စ်) ဓါတ်မြေဩဇာ ကုမ္ပဏီလီမိတက် မှ ထုတ်လုပ်သော ဓါတ်မြေဩဇာများ၊ ပျိုးပင်များ နှင့် မျိုးစေ့များကိုလည်း ရောင်းချလျက်ရှိပါသည်။

ဂွတ်(ဒ်)ဘရားသား(စ်) ဓါတ်မြေဩဇာ ကုမ္ပဏီလီမိတက်၏ စိုက်ပျိုးရေးပညာရှင်များသည် မြေတိုင်းတာခြင်း၊ တောင်သူများနှင့် အနီးကပ်တစ်ဦးချင်း စိုက်ပျိုးရေးအကြံပေးခြင်းများသာမက တောင်သူများ၏ စိုက်ပျိုးရေးအခက်အခဲများကို ဖြေရှင်းဝန်ဆောင်မှုပေးလျက်ရှိပါသည်။ ထိုမှတစ်ဆင့် ဝန်ထမ်းများသည် တောင်သူများ၏ စိုက်ခင်းများ အထွက်တိုးစေဖို့ တိကျပြီး အကုန်အကျနည်းပါးသော နည်းလမ်းများဖြင့် ကူညီပံ့ပိုးလျက်ရှိပါသည်။

တောင်သူတစ်ဦးချင်း၊ လယ်ခင်းတစ်ခုချင်းစီကို တိုးတက်အောင်ဆောင်ရွက်ရင်း မြန်မာ့လယ်ယာစိုက်ပျိုးရေးကဏ္ဍကြီး တိုးတက်မှုအတွက် အထောက်အကူပြုရန်မှာ ဂွတ်(ဒ်)ဘရားသား(စ်) ဓါတ်မြေဩဇာ ကုမ္ပဏီလီမိတက် ၏ ပန်းတိုင်ပင်ဖြစ်ပါသည်။

ဂွတ်(ဒ်)ဘရားသား(စ်) ဓါတ်မြေဩဇာ ကုမ္ပဏီလီမိတက်သည် စတင်တည်ထောင်ချိန် ၂၀၁၆ ခုနှစ်မှ ယခုအချိန်အထိ တောင်သူ ၃.၄ သန်းကျော်ကို ဝန်ဆောင်မှုပေးခဲ့ပြီး ဓါတ်မြေဩဇာ တန်ချိန် ၂၃၀,၀၀၀ ကျော်ကို ရောင်းချခဲ့ပြီး ဖြစ်ပါသည်။

မြန်မာနိုင်ငံအထက်ပိုင်းဒေသမှ ရှမ်းပြည်နယ်တောင်ပိုင်းနှင့် မြောက်ပိုင်းများသို့ ဈေးကွက်ချဲ့ထွင်ရန် မကြာခင်အချိန်အတွင်းမှာ ထုတ်ကုန်အသစ်အဖြစ် ပိုးသတ်ဆေးများကိုလည်း မိတ်ဆက်ဖြန့်ဖြူးသွားရန်ရှိပါသည်။ မြန်မာနိုင်ငံ ဓါတ်မြေဩဇာဈေးကွက်၏ ၁၀ ရာခိုင်နှုန်းကို ၂၀၂၄ ခုနှစ်တွင် ရရှိအောင် လျာထားလျက်ရှိပါသည်။

မြန်မာနိုင်ငံ ဓါတ်မြေဩဇာဈေးကွက်၏ ၁၀ ရာခိုင်နှုန်းကို ၂၀၂၄ ခုနှစ်တွင် ရရှိအောင် လျာထားလျက်ရှိပါသည်။

လယ်ယာစိုက်ခင်းတစ်ခုကို အောင်မြင်အောင်စိုက်ပျိုးနိုင်ဖို့ဆိုတာ စိုက်ပျိုးတတ်သူတစ်ဦးဖြစ်ရုံနဲ့တင် မလုံလောက်ပါဘူး၊ ကျွမ်းကျင်ပြီး လုပ်ရည်ကိုင်ရည်ရှိသော အဖွဲ့ကို လိုအပ်ပါသည်။ သို့ပေမယ့် တောင်သူတိုင်းတွင် ဒီလိုအဖွဲ့ရှိမှာမဟုတ်ဘူး ဆိုသောအသိဖြင့် တောင်သူများ၏ လိုအပ်ချက်အခက်အခဲများကို ဖြည့်ဆည်းပေးနိုင်ရန် ဂျီဘီအက်(စ်) လယ်ယာဝန်ဆောင်မှုလုပ်ငန်း အများနှင့် သက်ဆိုင်သော ကုမ္ပဏီလီမိတက် ကိုတည်ထောင်ခဲ့ပါသည်။

ရှယ်ယာဝင် (၂၆၈) ဦးနှင့် မြန်မာနိုင်ငံရင်းနှီးမြှုပ်နှံမှုကော်မရှင်တို့၏ ပံ့ပိုးမှုဖြင့် လယ်ယာစိုက်ပျိုးရေးကဏ္ဍအတွင်းမှ လုပ်သားအင်အားပြတ်လပ်မှုအခက်အခဲကို ဖြေရှင်းပေးနိုင်ရန် ဂျီဘီအက်(စ်) လယ်ယာဝန်ဆောင်မှုလုပ်ငန်း အများနှင့် သက်ဆိုင်သော ကုမ္ပဏီလီမိတက် ကို ၂၀၁၆ ခုနှစ်တွင် ဖွင့်လှစ်နိုင်ခဲ့ပါသည်။ ဧရာဝတီတိုင်းဒေသကြီးအတွင်း၌ အဓိကလုပ်ငန်းဆောင်ရွက်လျက်ရှိပြီး လယ်ယာလုပ်ငန်းများပိုမိုဖြစ်ထွန်းစေရန် ထွန်ယက်ခြင်း၊ စိုက်ပျိုးခြင်း၊ ရိတ်သိမ်းခြင်း နှင့် နည်းပညာဆိုင်ရာ ဝန်ဆောင်မှုများကို ပေးနေပါသည်။

ကမ္ဘာအနှံ့အပြားတွင် အလိုအလျောက်စိုက်ပျိုးခြင်းစနစ်များ ပေါ်ထွန်းလာသည်နှင့်အညီ ဂျီဘီအက်(စ်) လယ်ယာဝန်ဆောင်မှုလုပ်ငန်း အများနှင့် သက်ဆိုင်သော ကုမ္ပဏီလီမိတက် သည်လည်း မြန်မာနိုင်ငံကို အဆင့်မြင့်စိုက်ပျိုးရေးနိုင်ငံအဖြစ် ပြောင်းလဲနိုင်ရန် နည်းပညာအသစ်များကို ခြေဆန့်လေ့လာလျက်ရှိပါသည်။

ကုမ္ပဏီအနေဖြင့် ဧရာဝတီတိုင်းနှင့် ပဲခူးအနောက်ခြမ်းတို့တွင် အကျိုးတူလယ်ယာစနစ် ဝန်ဆောင်မှုများကို အောင်မြင်စွာပေးလျက်ရှိပြီး ကုမ္ပဏီ၏ နောက်ထပ်အောင်မြင်မှုတစ်ခုကတော့ ၂၀၁၉ ခုနှစ်တွင် ကုမ္ပဏီခွဲတစ်ခုဖြစ်သည့် ASP Kubota ကိုတည်ထောင်နိုင်ခဲ့ခြင်း ဖြစ်ပါသည်။ ကူဘိုတာ၏ တရားဝင်ဖြန့်ချီသူဖြစ်သော ASP Kubota သည် စစ်တွေ၊ မုံရွာ၊ လားရှိုး နှင့် နောင်ချိုမြို့များတွင် အရောင်းပြခန်းများ ဖွင့်လှစ်၍ ဝန်ဆောင်မှုများပေးလျက်ရှိပါသည်။

ဂျီဘီအက်(စ်) လယ်ယာဝန်ဆောင်မှုလုပ်ငန်း အများနှင့် သက်ဆိုင်သော ကုမ္ပဏီလီမိတက်သည် နောက်၅နှစ်အတွင်း နေပြည်တော်မှ တောင်သူဦးကြီးများနှင့် ကြံ့စိုက်ခင်းများကို အကျိုးတူလယ်ယာစနစ်ဖြင့် စိုက်ပျိုးသွားရန် ကြိုးပမ်းလျက်ရှိပါသည်။ အခြားသော အစီအစဉ်များအနေဖြင့် အုတ်ဖိုမြို့ နှင့် ပဲခူးအနောက်ခြမ်းတွင် ဆန်စက်များ ဆောက်လုပ်ရန်၊ ကလေးမြို့တွင် ASP Kubota အရောင်းပြခန်းအားတိုးချဲ့ဖွင့်လှစ်ရန် နှင့် ပြောင်းကုန်ချောထုတ်လုပ်ခြင်း လုပ်ငန်းများတိုးချဲ့ရန် ရှိပါသည်။

တောင်သူတိုင်းအတွက် ရိတ်သိမ်းရာသီဆိုတာ အရေးကြီးဆုံးနှင့် အလုပ်အရှုပ်ဆုံးအချိန်များ ဖြစ်ပါသည်။ လူအင်အားမလုံလောက်လျင် ကိုယ်ကိုယ်တိုင်ပဲ အားသွန်ခွန်စိုက် လုပ်ကြရခြင်း ဖြစ်ပါသည်။ ကိုယ့်ရဲ့ ရည်မှန်းချက်တွေကို မထိခိုက်ပဲ ယခုကဲ့သို့ ပြဿနာတွေကို ဘယ်လိုဖြေရှင်းမလဲ။

အဖြေကတော့ ASP ပါပဲ။

ဂျီဘီအက်(စ်) လယ်ယာဝန်ဆောင်မှုလုပ်ငန်း အများနှင့် သက်ဆိုင်သော ကုမ္ပဏီလီမိတက် ၏ နာမည်အတိုကောက်ဖြစ်သော ASPဟာ တောင်သူဦးကြီးများအတွက် လယ်ယာစိုက်ပျိုးရေး ဝန်ဆောင်မှုတွေဖြစ်တဲ့  ထွန်ယက်မြေပြင်ဆင်မှုမှစပြီး ရိတ်သိမ်းခြင်းနှင့် သိုလှောင်ခြင်းအဆင့်များအထိ ဝန်ဆောင်မှုများကိုပေးလျက်ရှိပါတယ်။

ရရှိနိုင်သော ဝန်ဆောင်မှုများ

•    မြေပြင်ဆင်ခြင်း

•    မြေပြုပြင်ခြင်း

•    အစားထိုးစိုက်ပျိုးခြင်း

•    ဓာတ်မြေသြဇာများဝယ်ယူခြင်း (GBC နှင့်ပူးပေါင်း၍)

•    စပါးဝယ်ယူခြင်း (UAPPT နှင့် ပူးပေါင်း၍)

•    စိုက်ပျိုးချေးငွေ (MFI နှင့်ပူးပေါင်း၍)

•    ရိတ်သိမ်းခြင်း

•    သိုလှောင်ခြင်း

•    ဆန်စပါးထုတ်လုပ်ခြင်း

•    နည်းပညာအထောက်အပံ့

•    စက်ပစ္စည်းငှားရမ်းခြင်း

အထက်ဖော်ပြပါ ဝန်ဆောင်မှုများကိုရယူရန် သို့မဟုတ် စက်များကိုငှားရမ်းရန် သင့်ဒေသရှိ ဒေသခံအေးဂျင့်များမှတဆင့် အနည်းဆုံး ၂ လ ကြိုတင်၍ ASP အားဆက်သွယ်နိုင်ပါသည်။

ဂျီဘီအက်(စ်) ကုမ္ပဏီများလုပ်ငန်းစုသည် ၂၀၁၀ ခုနှစ်တွင် စုပေါင်းလယ်ယာ ထွက်ကုန်ပစ္စည်းထုတ်လုပ်ရေးနှင့် ရောင်းဝယ်ရေး ကုမ္ပဏီလီမိတက် (UAPPT) ကို ဆားမလောက်ကျေးရွာ၊ ညောင်တုန်းမြို့၊ ဧရာဝတီတိုင်းတွင် တည်ထောင်ခဲ့ပါသည်။UAPPT မှ ဆန်ချောထုတ်လုပ်မှုလုပ်ငန်းစဉ်အဆင့်ဆင့်ကို ဆောင်ရွက်သလို ဥရောပ၊ တရုတ်၊ ထိုင်ဝမ်၊ အင်ဒိုနီးရှား၊ မလေးရှား၊ ဘင်္ဂလားဒေ့ရှ် စသည့်နိုင်ငံများသို့လည်း ဆန်ထွက်ကုန်များ တင်ပို့ရောင်းချလျက်ရှိပါသည်။

UAPPT ဆန်စက်တွင် ဆန်တန်ချိန် (၄၅၀၀) ကိုသိုလှောင်ထားနိုင်ပြီး နေ့စဉ်ဆန်တန်ချိန် (၂၇၀) ကို အခြောက်ခံနိုင်ကာ အရည်အသွေးမြင့်ဆန်ချောတန် (၁၅၀) ကိုထုတ်လုပ်လျက်ရှိပါသည်။ UAPPT မှ နှစ်စဉ် ဆန်တန်ချိန် (၅၀,၀၀၀) ခန့်ကို တင်ပို့လျက်ရှိပါသည်။

၂၀၂၂ ခုနှစ်တွင် အုတ်ဖိုမြို့ နှင့် အိမ်မဲမြို့များတွင် ဆန်စက်များ တိုးချဲ့ဆောက်လုပ်ရန် စီစဉ်လျက်ရှိပြီး ၂၀၂၄ ခုနှစ် အတွင်းလုပ်ငန်းစတင်လည်ပတ်၍ ဝန်ဆောင်မှုများပေးနိုင်ရန် ကြိုးပမ်းလျက်ရှိပါသည်။

သိုလှောင်ရန် နေရာ အခက်အခဲရှိနေပါသလား၊ စက်ပစ္စည်း နှင့် နည်းပညာလိုအပ်ချက် ရှိနေပါသလား ဒါမှမဟုတ် ရိတ်သိမ်းပြီး ရောင်းရန် ခက်နေပါသလား။

စုပေါင်းလယ်ယာ ထွက်ကုန်ပစ္စည်းထုတ်လုပ်ရေးနှင့် ရောင်းဝယ်ရေး ကုမ္ပဏီလီမိတက် (UAPPT) ဟာ သင့်ရဲ့ အခက်အခဲတွေအတွက် အဖြေပါပဲ။

ကုမ္ပဏီ၏ နာမည်အတိုင်း UAPPT မှ သင့်ရဲ့ရိတ်သိမ်းပြီး စပါးများကို ကုန်ချောပစ္စည်းထုတ်လုပ်ခြင်း နှင့် ရောင်းဝယ်ခြင်းများကို ဆောင်ရွက်ပေးနေပါသည်။ ကျွန်ုပ်တို့၏ ဆန်စက်ကြီးတွင် အခြောက်ခံခြင်း၊ အသီးခြွေခြင်း၊ သန့်စင်ခြင်း၊ အမျိုးအစားခွဲခြင်း၊ သိုလှောင်ခြင်း၊ အလေးချိန်ခြင်း နှင့် ကြိတ်ခွဲခြင်းများကို အစမှအဆုံး ဝန်ဆောင်မှုပေးလျက်ရှိပါသည်။

စားသုံးရန် ကုန်ချောအဖြစ် ထွက်ရှိလာလျင် ထုပ်ပိုး၍ မြန်မာနိုင်ငံ ပြည်တွင်း၊ပြည်ပ သို့တင်ပို့ရောင်းချပါသည်။ လွန်ခဲ့သော ဆယ်စုနှစ်အတွင်း တရုတ်၊ ထိုင်ဝမ်၊ အင်ဒိုနီးရှား၊ မလေးရှား နှင့် ဘင်္ဂလားဒေ့(ရှ်) နိုင်ငံများသို့ အများဆုံးတင်ပို့ရောင်းချခဲ့ပြီး ယခုအခါတွင် ဥရောပဈေးကွက်ကို ဝင်ရောက်ရန်အတွက် ထုတ်ကုန်ဆန်စပါးများ၏ အရည်အသွေးကို မြှင့်တင်ရန် နည်ပညာအသစ်များသို့ UAPPT မှ ပဏာမခြေဦးလှမ်းလျက်ရှိပါသည်။

UAPPT ကို သင်ဘာကြောင့်လိုအပ်တာလဲ။

စပါးရိတ်သိမ်းပြီး အဆင့်ဆင့်ဆောင်ရွက်ရသော ကြားကာလအတွင်း လစ်ဟင်းမှုတစ်ခုခုဖြစ်ခဲ့ပါက ကြီးမားသော ဆုံးရှုံးမှုမျိုး သို့မဟုတ် ဆန်အရည်အသွေး နှင့် အထားခံမှုသက်တမ်းကို ထိခိုက်စေနိုင်ပါသည်။ စိုက်ပျိုးရေးဆိုင်ရာ ဝန်ဆောင်မှုများကို အဓိကပေးနေသော အဖွဲ့အစည်းဖြစ်သလို တစ်နှစ်တွင် ဆန်တန်ချိန် ၅၀,၀၀၀ တင်ပို့နေသော ကုမ္ပဏီဖြစ်သည့်အလျောက် တောင်သူများ၏ စိုက်ပျိုးရေးအဆင့်တိုင်းတွင် အဆင်ပြေချောမွေ့မှုရှိစေဖို့ ကျွန်ုပ်တို့တွင် တာဝန်ရှိသည်ဟု ယုံကြည်ပါသည်။

ပြည်တွင်းပြည်ပ၌ရှိသော နည်းပညာများ၊ စိုက်ပျိုးရေးဈေးကွက်အတွင်းမှ အဆက်အသွယ်များနှင့် ပူးပေါင်း၍ ရိတ်သိမ်းကာလအလွန် ဆုံးရှုံးမှုနည်းနိုင်သမျှ နည်းအောင် ကူညီဆောင်ရွက်ပေးပြီး တောင်သူများ၏ ကြိုးစားအားထုတ်မှုနှင့် ထိုက်တန်သော ရလာဒ်ရရှိအောင် ဆောင်ရွက်ပေးလျက်ရှိပါသည်။

UAPPT ကို ဘယ်မှာရှာနိုင်သလဲ။

UAPPT ဆန်စက်သည် ဆားမလောက်၊ ညောင်တုန်းမြို့၊ ဧရာဝတီတိုင်းတွင် တည်ရှိပါသည်။ ၂၀၂၄ ခုနှစ် တွင် လုပ်ငန်းစတင်လည်ပတ်ရန် လျာထားသော အုတ်ဖိုမြို့ နှင့် အိမ်မဲမြို့မှ ဆန်စက်အသစ်များကို ၂၀၂၂ ခုနှစ်တွင် စတင်ဆောက်လုပ်သွားမည် ဖြစ်ပါသည်။

ရာစုနှစ်တစ်ခုကျော် ရပ်တည်ပြီးဖြစ်သည့် ကူဘိုတာ အမှတ်တံဆိပ်သည် လယ်ယာစိုက်ပျိုးရေးသုံး စက်ပစ္စည်းများကို ထုတ်လုပ်သော ဂျပန်အမှတ်တံဆိပ်တစ်ခုအဖြစ်သာမက ကူဘိုတာစက်ပစ္စည်းများ၏ မြင့်မားလှသော စွမ်းဆောင်ရည်နှင့် ယုံကြည်အားထားရမှုကြောင့် တစ်ကမ္ဘာလုံး၏ စိုက်ပျိုးရေးဈေးကွက်တွင် ကောင်းသတင်းမွှေးသော ဂျပန်အမှတ်တံဆိပ်တစ်ခု ဖြစ်ပါသည်။

ဂျီဘီအက်(စ်) ကုမ္ပဏီများလုပ်ငန်းစု အနေဖြင့် ကူဘိုတာ စက်ပစ္စည်းများကို ဂွတ်(ဒ်)ဘရားသား(စ်) ကုမ္ပဏီလီမိတက် လက်အောက်တွင် ယခင်ကတည်းက တင်သွင်းဖြန့်ချီခဲ့သော်လည်း ၂၀၁၅ ခုနှစ်တွင် ကူဘိုတာ၏ တရားဝင်ဖြန့်ချီသူအဖြစ် ကူဘိုတာ ဂျီဘီအက်(စ်) ကုမ္ပဏီလီမိတက်ကို စတင်တည်ထောင်ခဲ့ပါသည်။

ကူဘိုတာ ဂျီဘီအက်(စ်) တွင် စပါးရိတ်သိမ်းစက်များ၊ စပါးစိုက်စက်များ၊ လေးဘီးထွန်စက်များ နှင့် မြေတူးစက်အသေးစားများ တင်သွင်းရောင်းချလျက်ရှိပါသည်။ ကူဘိုတာ ဂျီဘီအက်(စ်) မှ ကူဘိုတာ စက်ပစ္စည်းများနှင့် အပိုပစ္စည်းများကို ရောင်းချခြင်းအပြင် ပြုပြင်ခြင်းဝန်ဆောင်မှုများကိုပေးလျက်ရှိပြီး စိတ်ပါဝင်စားသော စက်ပိုင်ရှင်များကိုလည်း မိမိတို့၏ စက်များကို ပြုပြင်နည်း၊ ထိန်းသိမ်းနည်းများ သင်ကြားပို့ချပေးနေပါသည်။

အရည်အသွေးမြင့် ထုတ်ကုန်များနှင့် ဝန်ဆောင်မှုများကိုပေးခြင်းဖြင့် စိုက်ပျိုးတောင်သူများ၏ စံနှုန်းများကို မြှင့်တင်ရုံသာမက လက်မှုလယ်ယာမှ စက်မှုလယ်ယာသို့ ကူးပြောင်းရာတွင်လည်း တောင်သူဦးကြီးများအား ကူညီပံ့ပိုးခြင်းဖြင့် မြန်မာ့လယ်ယာစိုက်ပျိုးရေးကဏ္ဍကြီးတစ်ခုလုံး ခေတ်မီဖွံ့ဖြိုးတိုးတက်ရေးအတွက် အထောက်အကူဖြစ်စေရန် ရည်မှန်းပါသည်။

ယနေ့အချိန်တွင် ကူဘိုတာ ဂျီဘီအက်(စ်) သည် ရန်ကုန်၊ မန္တလေး၊ နေပြည်တော်၊ မကွေး၊ ဆားမလောက်၊ မြစ်ကြီးနားနှင့် အိမ်မဲ တို့တွင် ရုံးခွဲများဖွင့်လှစ်၍ ဝန်ဆောင်မှုပေးလျက်ရှိပါသည်။ ရုံးခွဲ (၇) ခုအနက် ရုံးခွဲ (၄) ခုတွင် ကောင်းမွန်သော ရောင်းပြီးဝန်ဆောင်မှုအတွက် ISO 9001:2008 လက်မှတ်များကို ချီးမြှင့်ခြင်းခံထားရပါသည်။ ရွှေဘိုမြို့၊ မုံရွာမြို့ နှင့် ပြည်မြို့ များတွင်လည်း စက်ပြုပြင်ခြင်း ဝန်ဆောင်မှုများသီးသန့် ပေးနိုင်ရန် ရုံးခွဲများကိုဖွင့်လှစ်ထားသလို ဧရာဝတီတိုင်းနှင့် တန့်ဆည်မြို့ များတွင်လည်း စစ်မှန်သော ကူဘိုတာ အပိုပစ္စည်းများကို ရောင်းချပေးလျက်ရှိပါသည်။

ဝေးလံသောဒေသများမှ ဝယ်ယူသုံးစွဲသူများအနေဖြင့်လည်း ကူဘိုတာစက်ပစ္စည်းများကို ကူဘိုတာ ဂျီဘီအက်(စ်) ၏ အရောင်းကိုယ်စားလှယ်များမှတစ်ဆင့် ဝယ်ယူရရှိနိုင်မည် ဖြစ်ပါသည်။ မြန်မာနိုင်ငံအနှံ့အပြားတွင် ကူဘိုတာ ဂျီဘီအက်(စ်) ၏ အေးဂျင့်နှင့် ကိုယ်စားလှယ် (၁၀၀၀) ခန့်ရှိပါသည်။

ဝယ်ယူသုံးစွဲသူများနှင့် မိတ်ဖက်လုပ်ငန်းမျာကို ပိုမိုကောင်းမွန်စွာ ဝန်ဆောင်မှုပေးနိုင်ရေးအတွက် လုပ်ငန်းချဲ့ထွင်ရန် လိုအပ်ချက်ကြောင့် ၁၉၉၈ ခုနှစ်ကတည်းက တည်ရှိခဲ့သော ဂွတ်(ဒ်)ဘရားသား(စ်) အပိုပစ္စည်းဌာနအား စက်တင်ဘာလ ၂၀၂၀ ခုနှစ် တွင် ဂွတ်(ဒ်)ဘရားသား(စ်) ကုန်မာမာ့(တ်) ကုမ္ပဏီလီမိတက် အမည်ဖြင့် ကုမ္ပဏီခွဲအသစ်အဖြစ် တည်ထောင်ခဲ့ပါသည်။

လက်ရှိ ဂွတ်(ဒ်)ဘရားသား(စ်) ကုန်မာမာ့(တ်) ကုမ္ပဏီလီမိတက် ၏ အဖွဲ့ ဝင်များဟာ ယခင်အချိန်က အပိုပစ္စည်းဌာနအဖြစ် မိခင်ကုမ္ပဏီ ကိုပံ့ပိုးပေးခဲ့ပြီး ယနေ့အချိန်မှာတော့ စိုက်ပျိုးရေးလုပ်ငန်းသုံး၊ ရေလုပ်ငန်းသုံး၊ ဆောက်လုပ်ရေးလုပ်ငန်းသုံး နှင့် စက်မှုလုပ်ငန်းသုံးစက်ပစ္စည်းများကိုပါ ချဲ့ထွင်ရောင်းချပေးနေပြီ ဖြစ်ပါသည်။

နောက် (၅) နှစ်အတွင်း ဂွတ်(ဒ်)ဘရားသား(စ်) ကုန်မာမာ့(တ်) ကုမ္ပဏီလီမိတက်သည် နိုင်ငံတွင်းရှိ နေရာဒေသအနှံ့အပြားတွင် အရောင်းပြခန်းများဖွင့်လှစ်၍ ဝယ်ယူသုံးစွဲသူများထံ ပိုမိုလွယ်ကူလျင်မြန်စွာ စက်ပစ္စည်းများကို ဝန်ဆောင်မှုပေးနိုင်ရန် ကြိုးပမ်းလျက်ရှိပါသည်။ လုပ်ငန်းအမျိုးမျိုးအတွက် အရည်အသွေးစစ်မှန်ပြီး ဈေးနှုန်းမှန်ကန်သော စက်ပစ္စည်းများနှင့် အပိုပစ္စည်းများကို ဝယ်ယူသုံးစွဲသူများထံပေးပို့နိုင်ရန်မှာ ဂွတ်(ဒ်)ဘရားသား(စ်) ကုန်မာမာ့(တ်) ကုမ္ပဏီလီမိတက်၏ ရည်မှန်းချက် ဖြစ်ပါသည်။

ဂျီဘီအက်(စ်) သည် တရုတ်နိုင်ငံမှ ဇူး(မ်)လိုင်းရွန်း ထွန်စက်များကို ၂၀၁၅ ခုနှစ် ကတည်းက ဖြန့်ချီခဲ့သော်လည်း ၂၀၂၀ ခုနှစ်မှသာ ဇူး(မ်)လိုင်းရွန်း (မြန်မာ) ကုမ္ပဏီလီမိတက် အမည်ဖြင့် ဂျီဘီအက်(စ်) ကုမ္ပဏီများလုပ်ငန်းစု၏ တရားဝင်ကုမ္ပဏီခွဲအဖြစ် ဖွင့်လှစ်ခဲ့ခြင်း ဖြစ်ပါသည်။ ကမ္ဘာ့ဆဌမအကြီးဆုံး နှင့် တရုတ်နိုင်ငံ၏ အကြီးမားဆုံး ဆောက်လုပ်ရေးနှင့် လယ်ယာသုံးစက်ပစ္စည်းများထုတ်လုပ်သည့် လုပ်ငန်းအဖွဲ့အစည်းကြီးဖြစ်သည့် ဇူး(မ်)လိုင်းရွန်း သည် ဂျီဘီအက်(စ်)၏ ပြည်တွင်းနှင့် ပြည်ပမှာပါ ကြီးထွားလာသော နာမည်ဂုဏ်သတင်းများကြောင့် ၎င်းတို့၏ စက်ပစ္စည်းများကို ဖြန့်ဖြူးရန် ယုံကြည်စွာပေးအပ်ခဲ့ခြင်း ဖြစ်ပါသည်။

ယခုအခါတွင် ဇူး(မ်)လိုင်းရွန်း (မြန်မာ) ကုမ္ပဏီလီမိတက်သည် မြန်မာ့လယ်ယာစိုက်ပျိုးရေးကဏ္ဍအတွင်းတွင် ဇူး(မ်)လိုင်းရွန်း ထွန်စက်များ၏ စွမ်းဆောင်ရည် နှင့် လုပ်ငန်းဖြစ်ထွန်းမှုများကြောင့် တစ်ဟုန်ထိုး နာမည်ရ လူကြိုက်များလာလျက် ရှိပါသည်။ ဇူး(မ်)လိုင်းရွန်း (မြန်မာ) မှ ဇူး(မ်)လိုင်းရွန်း ထွန်စက်များကို မြန်မာနိုင်ငံတစ်ဦးတည်း ကိုယ်စားလှယ်အဖြစ် ဖြန့်ဖြူးလျက်ရှိပြီး ပစ္စည်းအာမခံ၊ အပိုပစ္စည်း၊ ရောင်းပြီးဝန်ဆောင်မှု၊ ထိန်းသိမ်းခြင်း နှင့် ပြုပြင်ခြင်း ဝန်ဆောင်မှုများကို ပေးနေပါသည်။ ထွန်စက်များအပြင် မကြာမီအချိန်အတွင်း နောက်ဆုံးပေါ် ဆောက်လုပ်ရေးလုပ်ငန်းသုံး ကိရိယာများ၊ ယန္တရားကြီးများနှင့် ယာဉ်များဖြစ်သော  ရွေ့လျားကရိန်းများ၊ တာဝါကရိန်းများ၊ မြေတူးစက်များ၊ မြေထိုးစက်များ၊ ဘိလပ်မြေသယ်ယာဉ်များ နှင့် အခြားသော စက်ပစ္စည်းများစွာကိုပါ ထပ်တိုး၍ ဖြန့်ဖြူးရောင်းချသွားမည် ဖြစ်ပါသည်။

နိုင်ငံတကာအဆင့်တွင် အသိအမှတ်ပြုခြင်းခံထားရပြီး ခေတ်အမီဆုံးသော နည်းပညာများကိုအသုံးပြု၍ စိုက်ပျိုးရေးနှင့် ဆောက်လုပ်ရေးလုပ်ငန်းများကို အဆင့်မြှင့်တင်ရန်မှာ ဇူး(မ်)လိုင်းရွန်း (မြန်မာ) ကုမ္ပဏီလီမိတက်၏ ရည်မှန်းချက် ဖြစ်ပါသည်။

ဒီဇင်ဘာလ ၂၀၁၃ ခုနှစ်တွင် သံဘီးများ၊ ထွန်စက်များ နှင့် နောက်တွဲယာဉ်များကို အဓိကထုတ်လုပ်သည့် ဌာနတစ်ခုကို ဂွတ်(ဒ်)ဘရားသား(စ်) မှ ဖွဲ့စည်းခဲ့ပါသည်။ ထိုဌာနမှ KD-554 ထွန်စက်များနှင့် Luzhung-354, 554, 704 ထွန်စက်များကိုတင်သွင်း တပ်ဆင်ခဲ့ပါသည်။

၂၀၁၅ ခုနှစ်တွင် ဒီဇယ်အင်ဂျင်များထုတ်လုပ်ခြင်းနှင့် ဖြန့်ဖြူးရောင်းချခြင်းကို တိုးချဲ့ခဲ့ပြီး မြန်မာနိုင်ငံတွင် ဒီဇယ်အင်ဂျင်ထုတ်လုပ်သော ပထမဦးဆုံးစက်ရုံ ဖြစ်လာခဲ့ပါသည်။ ထိုဖြစ်စဉ်များကိုအခြေပြုပြီး ၂၀၁၆ ခုနှစ်တွင် ရန်ကုန်ဝူလင်း ဒီဇယ်အင်ဂျင် ကုမ္ပဏီလီမိတက်သည် ဂွတ်(ဒ်)ဘရားသား(စ်) ကုမ္ပဏီလီမိတက်၏ ကုမ္ပဏီခွဲတစ်ခုအဖြစ် ပေါ်ထွက်လာခဲ့ပါသည်။

ကျေးလက်ဒေသနေ လူထု၏ စိုက်ပျိုးရေးလုပ်ငန်းများကို မြှင့်တင်ပေးနိုင်ရန်ဆိုသည့် ကုမ္ပဏီ၏ ပန်းတိုင်အတိုင်း ဈေးနှုန်းသင့်တင့်ပြီး အရည်အသွေးမြင့်သော စိုက်ပျိုးရေးသုံးစက်ပစ္စည်းများကို မြန်မာတစ်နိုင်ငံလုံးသို့ ထုတ်လုပ်ဖြန့်ဖြူးပေးနိုင်ရန် ရန်ကုန်ဝူလင်း ကုမ္ပဏီလီမိတက်သည် ချန်ကျိုးဝူဂျင်း ဝူလင်း ဒီဇယ်အင်ဂျင် ကုမ္ပဏီလီမိတက်၊ ယူနန်ရှင်းထျန်းလီ မစ်ရှင်နရီ ကုမ္ပဏီလီမိတက် တို့နှင့် ပူးပေါင်းခဲ့ပါသည်။ ရွာသာကြီး၊ တောင်ဒဂုံမြို့နယ်၊ ရန်ကုန်မြို့တွင် လုပ်ငန်းဆောင်ရွက်လျက်ရှိပြီး အအောင်မြင်ဆုံးထုတ်ကုန်ဖြစ်တဲ့ ရှင်းထျန်းလီ ထရပ်ကားများကို ဂျီနန်းအင်ဂျင်များဖြင့် ပူးတွဲတပ်ဆင် ထုတ်လုပ်လျက်ရှိသလို သုံးဘီးဆိုင်ကယ်များ၊ လက်တွန်းထွန်စက်များ နှင့် နောက်တွဲယာဉ်များကိုလည်း ထုတ်လုပ်လျက်ရှိပါသည်။

ရန်ကုန်ဝူလင်း ဒီဇယ်အင်ဂျင် စက်ရုံတွင် စိုက်ပျိုးရေးသုံးစက်ယန္တရားကြီးများ နှင့် ကုန်တင်ယာဉ်များကို တိုးချဲ့ထုတ်လုပ်သွားရန် ရှိပါသည်။ ကုမ္ပဏီ၏ ထုတ်ကုန်များကို ရန်ကုန်တိုင်းအတွင်း ဝယ်ယူသုံးစွဲသူများပြားလာသောကြောင့် မြန်မာနေရာနိုင်ငံအနှံ့အပြားသို့ ရောက်ရှိအောင် ဖြန့်ဖြူးနိုင်ရန် ရည်မှန်းပါသည်။

ဂျီဘီအက်(စ်) အနေဖြင့် (၇) နှစ်ကြာ စက်ပစ္စည်းများကိုသာ ဖြန့်ဖြူးရောင်းချပြီးချိန်မှာ ကုန်ပစ္စည်းအမျိုးအစားများကို ချဲ့ထွင်ရန် ဆုံးဖြတ်ခဲ့ပြီး ၁၉၉၈ ခုနှစ်တွင် ဗွီအက်(စ်)ကေ အင်တာနေရှင်နယ် ကုမ္ပဏီလီမိတက် ကိုဖွဲ့စည်းတည်ထောင်ခဲ့ပါသည်။

အစပိုင်းတွင်ကုမ္ပဏီနှင့် ရင်းနှီးကျွမ်းဝင်ပြီးဖြစ်သော လယ်ယာစိုက်ပျိုးရေးသုံး ထုတ်ကုန်များကို သာဖြန့်ချီခဲ့ပါသည်။ ဓါတ်ဆီအင်ဂျင်များ၊ ဆေးဖျန်းစက်များ၊ မော်တာများ၊ ပန့်များ၊ မီးစက်များ၊ ကွန်ပရက်ဆာများ စသည်တို့ကို ဖြန့်ဖြူးရောင်းချရင်း တောင်သူဦးကြီးများနှင့် စိုက်ပျိုးရေးလုပ်ငန်း လုပ်ကိုင်သူများအတွက် ခိုင်မာသောမိတ်ဖက်အဖြစ်ရပ်တည်ခဲ့ပါသည်။ ၂၀၀၃ ခုနှစ်မှာတော့ PinWheel အမှတ်တံဆိပ် ရေသန့်ပန့်များကို ဈေးကွက်သို့ သယ်ဆောင်ခဲ့ပြီး ရေသန့်ပန့်ဈေးကွက်ကို ဦးဆောင်နိုင်ခဲ့ပါသည်။

၂၀၀၄ ခုနှစ်မှာတော့ ဗွီအက်စ်)ကေ အင်တာနေရှင်နယ် အနေနဲ့ လုပ်ငန်းပိုမိုချဲ့ထွင်ရန်အတွက် စိုက်ပျိုးရေးနယ်ပယ်ထက်ကျော်လွန်ပြီး ခြေဆန့်ဖို့ စိတ်ပြင်းပြခဲ့ပါသည်။ SANYO အဲကွန်း၊ Haier ရေခဲသေတ္တာတို့နှင့် လက်တွဲလုပ်ဆောင်ပြီး (၂) နှစ်အကြာမှာ ဗွီအက်(စ်)ကေ အင်တာနေရှင်နယ်ဟာ MIDEA အိမ်သုံးလျှပ်စစ်ပစ္စည်းများကို ဖြန့်ချီရန် မြန်မာနိုင်ငံတစ်ဦးတည်းကိုယ်စားလှယ်အဖြစ် ခန့်အပ်ခြင်းခံခဲ့ရပါသည်။

လုပ်ငန်းသုံး ကိရိယာများ၊ စွမ်းအင်သုံးကိရိယာများ၊ ပန့်များ၊ ကွန်ပရက်ဆာများ၊ မီးစက်များနှင့် မော်တာများကို တစ်နေရာတည်းမှာစုံလင်စွာ ရရှိနိုင်သည့် TOTAL One Stop Tools Station ကို ၂၀၁၈ ခုနှစ်တွင် ဖွင့်လှစ်ခဲ့ပါသည်။ မကြာသေးခင်အချိန်က ဗွီအက်(စ်)ကေ အင်တာနေရှင်နယ် ဟာ TOSHIBA ၏ မြန်မာနိုင်ငံတစ်ဦးတည်း တရားဝင်ဖြန့်ချီသူအဖြစ်ခန့်အပ်ခြင်းခံခဲ့ရကာ ရန်ကုန်မြို့ နှင့် မန္တလေးမြို့များတွင် အရောင်းပြခန်းများကို ဖွင့်လှစ်ထားလျက်ရှိပါသည်။

ထုတ်ကုန်ပစ္စည်းများ ဖြန့်ဖြူးရောင်းချခြင်းသာမက ဗွီအက်(စ်)ကေ အင်တာနေရှင်နယ် ဟာ မြန်မာနိုင်ငံရဲ့ ပထမဦးဆုံးသော တိုင်းတာခြင်း နည်းပညာသိပ္ပံဓါတ်ခွဲခန်း၊ အမျိုးသားတီဘီ ဓါတ်ခွဲဌာန၊ Spring Line Landmark၊ Central Point ကုန်တိုက်၊ Seaview ကွန်ဒို၊ Times City ကုန်တိုက်နှင့် အစိုးရအဆောက်အအုံများစွာတွင်  HVAC လေအေးပေးစနစ် စီမံကိန်းများကိုလည်း ဆောင်ရွက်ခဲ့ပါသည်။ ထီးဆောင်းမျက်စိဆေးရုံတွင် လေအေးပေးစက်များ၊ ညောင်လှကျေးရွာတွင်လည်း ရေတွင်းပန့်များ နှင့် ကိုဗစ်-၁၉ ကုသရေးစင်တာတွင် လျှပ်စစ်ပစ္စည်းများကို လှူဒါန်းခဲ့ပါသည်။

ဆယ်စုနှစ် (၂) ခု ကြာရပ်တည်ပြီးချိန်မှာတော့ ဂျီဘီအက်(စ်)၏ ကုမ္ပဏီခွဲများထဲမှ အစောဆုံးတည်ရှိခဲ့သော ကုမ္ပဏီတစ်ခုဖြစ်သလို အအောင်မြင်ဆုံး ကုမ္ပဏီတစ်ခုလည်းဖြစ်သည့် ဗွီအက်(စ်)ကေ အင်တာနေရှင်နယ် ကုမ္ပဏီလီမိတက်ဟာ မြန်မာနိုင်ငံ၏ လူသုံးကုန်လျှပ်စစ်ပစ္စည်းဈေးကွက်တွင် ဦးဆောင်သူအဖြစ်ရပ်တည်လျက်ရှိပါသည်။ ရန်ကုန်၊ မန္တလေး နှင့် အခြားမြို့ကြီးများတွင် အရောင်းပြခန်းများကို ဖွင့်လှစ်ထားလျှက်ရှိပြီး ထောင်ပေါင်းများစွာသော ဖြန့်ချီသူများမှတစ်ဆင့်လည်း မြန်မာနိုင်ငံ၏ နေရာအနှံ့အပြားသို့ ဖြန့်ဖြူးလျက်ရှိပါသည်။

ဗွီအက်(စ်)ကေ အင်တာနေရှင်နယ်သည်လည်း ဂျီဘီအက်(စ်)၏ အိပ်မက်နည်းတူ ပိုမိုကောင်းမွန်သော ဘဝများဖန်တီးနိုင်ရန် ဈေးနှုန်းသင့်တင့်ပြီး အရည်အသွေးကောင်းသော လယ်ယာသုံးစက်ပစ္စည်းများကို ဖြန့်ချီရုံသာမက လူနေမှုဘဝအဆင့်အတန်းပိုမိုမြင့်မားစေရန် အရည်အသွေးမြင့် အိမ်သုံးလျှပ်စစ်ပစ္စည်းများကို ဖြန့်ချီသွားမည် ဖြစ်ပါသည်။

ပါဝါဝင်းနား ကုမ္ပဏီလီမိတက်သည် ဂျီဘီအက်(စ်) ကုမ္ပဏီများလုပ်ငန်းစု ၏ ငယ်ရွယ်သော ကုမ္ပဏီခွဲတစ်ခုဖြစ်သော်လည်း တည်ထောင်ချိန် ၂၀၁၈ ခုနှစ်မှ ယနေ့အထိ အချိန်တိုအတွင်းမှာ လူသိများအောင်မြင်လာခဲ့ပါသည်။ Platin နှင့် Hyundai Enercell ဘက်ထရီများကဲ့သို့ ထိပ်တန်းအရည်အသွေး ရှိသော ဘက်ထရီများအပြင် Royal Power ဘက်ထရီများနှင့် HRX မော်တော်ဆိုင်ကယ် ဘက်ထရီများ ကိုလည်း မြန်မာနိုင်ငံတစ်ဦးတည်းကိုယ်စားလှယ်အဖြစ် တင်သွင်းဖြန့်ချီလျက်ရှိသော ပါဝါဝင်းနား ကုမ္ပဏီလီမိတက်သည် မော်တော်ယာဉ်များ၊ စက်မှုလုပ်ငန်းများနှင့် လယ်ယာလုပ်ငန်းများအတွက် စွမ်းအင်ထုတ်ကုန်ပစ္စည်းများကိုဖြန့်ဖြူးခြင်းဖြင့် ကျော်ကြားပါသည်။

သုံးစွဲသူများထံသို့ တိုက်ရိုက်ရောင်းချခြင်းအပြင် ပါဝါဝင်းနား ကုမ္ပဏီလီမိတက်သည် မိသားစုဝင်ကုမ္ပဏီခွဲဖြစ်သည့် ရန်ကုန်ဝူလင်း ကုမ္ပဏီလီမိတက် မှ ထုတ်လုပ်သော စက်ပစ္စည်းများတွင်လည်း အတူပူးပေါင်း၍ ထုတ်လုပ်လျက်ရှိပါသည်။ ဂျီဘီအက်(စ်) ၏ အမြင့်မားဆုံးရည်မှန်းချက်ဖြစ်သည့် အလုံးစုံသော စိုက်ပျိုးရေးဆိုင်ရာ ဖြေရှင်းဝန်ဆောင်မှုပေးသူအဖြစ် ရပ်တည်နိုင်ရန် အားလုံးတက်ညီလက်ညီကြိုးပမ်းရင်း ပါဝါဝင်နာ ကုမ္ပဏီလီမိတက်ဟာ နောက်ဆယ်စုနှစ်များစွာအထိ လယ်ယာစိုက်ပျိုးရေးကဏ္ဍနှင့် လုပ်ငန်းနယ်ပယ်များစွာအတွက် စွမ်းအင်အရင်းအမြစ်ကို ပေးစွမ်းသွားမည် ဖြစ်ပါသည်။

ဂျီဘီအက်(စ်) ကုမ္ပဏီများလုပ်ငန်းစုသည် လယ်ယာစိုက်ပျိုးရေးကဏ္ဍတွင် အုတ်မြစ်ချတည်ထောင်ထားသော်လည်း မြို့ပြဖွံ့ဖြိုးမှုကဏ္ဍတွင် ပိုမိုတိုးတက်အောင်လုပ်ဆောင်နိုင်မည့် အခွင့်အလမ်းကို တွေ့ရှိခဲ့ပါသည်။ လူနေမှုဘဝများကို ယခုထက်မြင့်မားလာအောင် ကြိုးပမ်းလျက်သော အဖွဲ့အစည်းတစ်ခုဖြစ်သည်နှင့် အညီ မြို့ပြဖွံ့ဖြိုးတိုးတက်မှုကနေ ရရှိလာနိုင်မည့် အကျိုးကျေးဇူးများကို လစ်လျူရှုရန်မှာ မဖြစ်နိုင်သောကြောင့် မိသားစုများ လုံခြုံစွာ နှင့် ဂုဏ်သိက္ခာရှိစွာ နေထိုင်နိုင်မည့် အိမ်များကို ဆောက်လုပ်နိုင်ရန် ကြိုးပမ်းခဲ့ပါသည်။

ဤရည်မှန်းချက်များကို အခြေပြု၍ ဂျီဘီအက်(စ်) ကုမ္ပဏီများလုပ်ငန်းစုမှ ပျံလွှားသုံးကောင် ဆောက်လုပ်ရေး ကုမ္ပဏီလီမိတက် ကို ၂၀၀၆ ခုနှစ်တွင် တည်ထောင်ဖြစ်ခဲ့ပါသည်။ ထူးချွန်ကျွမ်းကျင်မှု၊ ရေရှည်တည်တံ့ခိုင်မြဲမှု၊ ပူးပေါင်းဆောင်ရွက်မှု၊ ဖန်တီးကြံစမှုများဖြင့် အိမ်ယာများ၊ လုံချင်းအိမ်များ၊ တိုက်ခန်းများ၊ လမ်း၊ မြောင်း၊ တံတားများ၊ ကျောင်းများစသည့် စီမံကိန်းများစွာကို အောင်မြင်စွာဆောက်လုပ်နိုင်ခဲ့ပြီ ဖြစ်ပါသည်။

ပျံလွှားသုံးကောင် ဆောက်လုပ်ရေးသည် ဂိုဒေါင်များ၊ အရောင်းပြခန်းကြီးများကို ဆောက်လုပ်ဖူးသော အတွေ့အကြုံများရှိပြီး နည်းပညာကျွမ်းကျင်မှုတို့ဖြင့် ပြည့်စုံကာ အိမ်တွင်းအလှဆင်ခြင်းနှင့် ပြုပြင်မွမ်းမံဆောက်လုပ်ခြင်းများအတွက်လည်း ဝန်ဆောင်မှုများကို ပြည့်စုံစွာပေးလျက်ရှိပါသည်။

ဂွတ်(ဒ်)ဘရားသား(စ်) ကုမ္ပဏီလီမိတက်အား စတင်တည်ထောင်ပြီး (၇)နှစ်အကြာ၊ ၁၉၉၈ ခုနှစ်မှာတော့ လယ်ယာသုံးစက်ပစ္စည်းများကို ထုတ်လုပ်သော ပထမဦးဆုံး ပုဂ္ဂလိကပိုင်စက်ရုံဖြစ်သည့် ဂွတ်(ဒ်)ဘရားသား(စ်) မစ်ရှင်နရီ ကုမ္ပဏီလီမိတက်ကို တည်ထောင်နိုင်ခဲ့ပါသည်။

ယခင်အခြားသော အမှတ်တံဆိပ်စက်ပစ္စည်းများကိုသာ တင်သွင်းဖြန့်ဖြူးခဲ့ရာမှ ကုမ္ပဏီအတွက် ကြီးမားသောခြေလှမ်းသစ်ကို စတင်နိုင်ခဲ့ပါသည်။ ဝယ်ယူသူများထံသို့ ကိုယ်ပိုင်အမှတ်တံဆိပ် စက်ပစ္စည်းများကို ရောင်းချနိုင်ခြင်းကြောင့် ကုမ္ပဏီကို ပိုမိုအောင်မြင်စေခဲ့ပါသည်။ ဂွတ်(ဒ်)ဘရားသား(စ်) သို့မဟုတ် ဂျီဘီအက်(စ်) နာမည်ဟာ တောင်သူဦးကြီးများကြားမှာ ရင်းနှီးလာခဲ့ပြီး မကြာခင်အချိန်အတွင်းမှာပဲ ဂျီဘီအက်(စ်) ဆိုသည့်နာမည်ကို အရည်အသွေးကောင်းခြင်း၊ အားထားရခြင်း၊ ဈေးနှုန်းသင့်တင့်ခြင်းစသည့် အချက်များနှင့် တွဲမြင်လာပါတော့သည်။

“ကြီးမားသော အိပ်မက်များ၊ သေးငယ်သော စတင်မှုများ” ဆိုသော စကားသည် ဂွတ်(ဒ်)ဘရားသား(စ်) ကုမ္ပဏီလီမိတက်၏ အကျဉ်းချုပ်ဖွင့်ဆိုမှု ဟုဆိုနိုင်ပါသည်။ တစ်ချိန်က စက်ပစ္စည်းအသေးစားများနှင့် အင်ဂျင်များကို ဖြန့်ဖြူးခဲ့ပြီး ဆယ်စုနှစ် (၃) ခုအကြာ ယနေ့မှာတော့ ဂွတ်(ဒ်)ဘရားသား(စ်) ကုမ္ပဏီလီမိတက်သည် လယ်ယာသုံးစက်ပစ္စည်းများ နှင့် ယာဉ်များကို ဖြန့်ဖြူးရောင်းချလျက် မြန်မာနိုင်ငံတွင်းမှာ ဈေးကွက်ဦးဆောင်သူအဖြစ် ရပ်တည်နေနိုင်ပြီ ဖြစ်ပါသည်။

ပြောင်းလဲလာသော ခေတ်နှင့်အညီ စက်မှုလယ်ယာစနစ်ဟာ မဝေးတော့သော အနာဂါတ်တစ်ခုဖြစ်ပြီး ခေတ်သစ်လယ်ယာစိုက်ပျိုးရေး ရေရှည်တည်တံ့ခိုင်မြဲမှု၏ အဓိကအချက်ပင်ဖြစ်ပါသည်။ ဂွတ်(ဒ်)ဘရားသား(စ်) ကုမ္ပဏီလီမိတက် အနေဖြင့် တောင်သူများ၏ လူလုပ်အားကိုလျှော့ချနိုင်ပြီး အထွက်နှုန်းပိုတိုးစေဖို့ ထိပ်တန်းအဆင့်ရှိသော စက်ပစ္စည်းများကိုသာ ဖြန့်ဖြူးနိုင်ရန် ကြိုးပမ်းလျက်ရှိပါသည်။

နိုင်ငံတစ်ဝှမ်းလုံးရှိ ကုမ္ပဏီ၏ ရုံးခွဲ (၂၇) ခုမှ ရေယာဉ်အင်ဂျင်များ၊ ဂီယာဘောက်(စ်)များ၊ ဆန်စက်များ၊ သီးနှံအခြောက်ခံစက်များ၊ လယ်ယာသုံးယာဉ်များမှ စက်ယန္တရားကြီးများအထိ စုံလင်ကျယ်ပြန့်လှသော စိုက်ပျိုးရေးသုံးစက်ပစ္စည်းများကို ဖြန့်ဖြူးလျက်ရှိပါသည်။

Good Brothers’ Life Insurance Agent Co., Ltd. ကို 2021 ခုနှစ်တွင် စတင်တည်ထောင်ခဲ့ပြီး အန္တရာယ်များနှင့် မသေချာမရေရာမှုများကို  ကိုယ်စိတ်နှလုံးစိုးရိမ်မှုတွေ လျော့ပါးသက်သာစေသည့် အသက် အာမခံဝန်ဆောင်မှုများ ပေးအပ်ရန်အတွက် လက်ရှိတွင် Grand Guardian Nippon Life Insurance Co., Ltd နှင့် ပူးပေါင်းဆောင်ရွက်ထားပါသည်။

GBS နှင့်ဆက်နွယ်ပါဝင် ပတ်သက်သူများ၏ ကျေနပ်မှုကိုဦးစားပေးပြီး အလုံးစုံဝန်ဆောင်မှု ပေးဆောင်ရန်အတွက် ကိုယ်ပိုင်ကော်ပိုရိတ်အာမခံအေဂျင်စီကို တည်ထောင်ထားပါသည်။ Good Brothers’ General Insurance Agent Co., Ltd. ကို 2021 ခုနှစ်တွင် တည်ထောင်ခဲ့ပြီး လက်ရှိတွင် အာမခံဝန်ဆောင်မှုများစွာကို ပေးဆောင်ရန် Grand Guardian Tokio Marine General Insurance Co., Ltd နှင့် ပူးပေါင်းဆောင်ရွက်လျက်ရှိပါသည်။ GBS အာမခံသည် အနာဂတ်တွင် အခြားသော အာမခံထုတ်ကုန်များနှင့် ဝန်ဆောင်မှုများကို ပေးဆောင်ရန် စီစဉ်လျှက်ရှိပါသည်။

GBS တွင်၊ ငွေကြေးဆိုင်ရာ၀န်ဆောင်မှုလုပ်ငန်းခွဲတစ်ခုဖြစ်သော Good Brothers’ Finance Co., Ltd. ကို စိုက်ပျိုးရေးအသိုက်အဝန်း၏ သီးခြားဘဏ္ဍာရေးလိုအပ်ချက်များအား ဝန်ဆောင်မှုပေးရန်အတွက် သိသာထင်ရှားသော ခြေလှမ်းတစ်ရပ်ကို 2020 ခုနှစ်တွင် ထပ်တိုးလုပ်ဆောင်ခဲ့ပါသည်။ တောင်သူလယ်သမားများရင်ဆိုင်နေရသော ဘဏ္ဍာရေးအခက်ခဲများကို ထိထိရောက်ရောက်ဖြေရှင်းနိုင်ရန်နှင့် ရေရှည်တည်တံ့သော အနာဂတ်ကိုသေချာစေရန် စိုက်ပျိုးရေးကဏ္ဍတစ်ခုလုံး ဖွံ့ဖြိုးတိုးတက်ရေးအတွက် သိသာထင်ရှားသော ပံ့ပိုးကူညီမှုများကို အဓိကထား ပြုလုပ်ဆောင်ရွက်မည်ဖြစ်သည်။ GBS တွင်၊ စိုက်ပျိုးရေးအသိုက်အဝန်း၏အောင်မြင်မှုသည် လူ့အဖွဲ့အစည်းတစ်ခုလုံးတိုးတက်မှုအတွက် မရှိမဖြစ် အရေးပါသည်ဟု ကျွန်ုပ်တို့ အခိုင်အမာယုံကြည်ပါသည်။ Good Brothers’ Finance Co., Ltd. ၏ ဝန်ဆောင်မှုများကို တိုးချဲ့လိုက်ခြင်းဖြင့် တောင်သူလယ်သမားများ၊ စိုက်ပျိုးရေးအသင်းများနှင့် စိုက်ပျိုးရေးကဏ္ဍတွင် အခြားပါဝင်ပတ်သက်သူများနှင့် ရေရှည်လက်တွဲနိုင်ရန်  ဖော်ဆောင်လျက်ရှိသည်။